Ibud

History of Barangay Leadership (1972 - Present)

SIMEON PEN-WAY BITONGAN

1972-1980

Si Hon. Simeon Pen-way Bitongan ang kauna-unahan naging Kapitan Del Barrio ng Barangay taong 1972-1980. Sa kanyang panunungkulan, naipatayo ang kauna-unahang school building ng Liwayway Elementary School na tinawag na “Marcos Type Building” na may 3 silid-aralan at noong taong 1973, sa kanya ring panunungkulan ay idinonate ng pamilyang Liwayway Casio Clarin ang lupang pinagtayuan ng Liwayway Elementary School.

"Marcos Type Building” Liwayway Elementary School Zone 2"

EUFREDO DAGWASI RAMOS

1980-1986

Siya naging pangalawang Punong Barangay ng Barangay Ibud. Sa kanyang panunungkulan, nadagdagan ng 2 silid-aralan ang Liwayway Elementary School at inumpisahan ang pagpapagawa ng Irrigation Canal sa Sona 1.

JAIME DAGWASI RAMOS

1986-1987

Si Jaime Dagwasi Ramos ay naging OIC at kauna-unahang nahalal bilang Punong Barangay ng Ibud. Sa kanyang panunungkulan napasemento ang Buquing Street sa Zone 2.

"Concreting of Brgy. Road Buquing Street Zone 2"

PIO DAO-AY COLOGAN

1987-1994

Ang pang-apat na naging Punong Barangay. Sa ilallim ng kanyang panunungkulan, naipagawa ang Alipid Brass Damming, NIA latteral B Irrigation Canal at Malapaga Concrete Dam. Naitayo din ang lumang Barangay Hall at Day Care Center sa Ibud Proper.

"Malapaga Concrete Dam Zone 4" "Alipid Brass Damming Zone 1"

JELSON BUSTILLOS JAVILLONAR

1994-1997

Ang Panglimang Punong Barangay Ng Ibud. Sa kanyang panunungkulan, nagkaroon ng Expansion ang School ng Liwayway at napaganda ang Barangay Hall sa Zone 2, sa loob ng Barangay Plaza. Sa kanya ding panunungkulan at idinonate ni G. Valeriano Villaluna ang lupang pinatayuan ng Plaza, Barangay Hall, Health Center at Day Care Center.

"Old Barangay Hall Zone 2" "Expansion of Liwayway School Zone 2"

FRANKLIN CAGUAY BANGISAN

2010-2013

Sa kanya namang panunungkulan, napasemento ang kalsada ng Baoan Street, naipagawa ang Irrigation Canal Zone 2, naitayo ang Computer Room ng Liwayway Elementary School, Senior Citizen Building at Bagong Barangay Hall Zone 2 (Barangay Hall sa kasalukuyan). Nabili din ang lupang pinagtayuan ng bagong Barangay kay Gng. Vilma Jacinto (dating Barangay Kagawad) at unti-unting umuunlad ang barangay sa ilalim ng kanyang pamamahala.

VIRGILIO LACPAPAN BAOAN SR.

1997-2010
2013-2023

Si Kgg. Virgilio Lacpapan Baoan Sr ang pinakamatagal na nanunungkulan bilang Punong Barangay ng Ibud, Sablayan Occidental Mindoro mula 1997-2010 unang naluklok at mula 2013-2023. Sa ilalim ng kanyang unang panunungkulan/pamamahala unti -unting umunlad ang barangay sa mga proyektong kanyang naipagawa at mga naayos gaya ng pagpapagawa ng Poblete Bridge Zone 3, Cologan solar Drier Zone 2, Malapaga Concrete Dam, Concreting ng Provincial Road, Covered Court Ng Liwayway Elem. School, Expansion of School Building ng Liwayway Elem. School. Sa taon ding ito, naitayo ang Barangay Health Center, Child Development Center (Day Care Center) sa Proper Ibud at Dike Ibud, pagpapagawa ng Danggoy Solar Dryer Zone 2, Nicanor Solar Dryer Zone 4, Danseco Solar Dryer Zone 4 at NIA Sub Canal Zone 4.

Taong 2013-2023, muling siyang nahalal at nanungkulan bilang Punong Barangay at lalong naging maganda at maunlad ang Barangay Ibud dahil sa kanyang mga proyekto at programang naipagawa gaya ng: Pagpapatayo ng mga Solar Street Lights sa apat na Sona ng Barangay, Pagpapasemento ng Villaluna Street Zone 3, pagpapagawa ng Aris Buquing Solar Dryer Zone 3, Baoan Solar Dryer Zone 4, Opening ng Farm to Market Road, Cajayo Street Zone 4, Expansion of Irrigation Canal Zone 4, Concreting of Tamagin Street Zone 2, improvement Of Drainage Canal Zone 3, pagpapatayo ng bagong Stage ng plaza, pagpapagawa ng Genderized toilet sa loob ng Covered Court, pagpapagawa ng garahe sa barangay hall, repair ng barangay Hall, pagpapatayo ng Evacuation Center, rehabilitation ng barangay road, at pagbili ng tricycle ng barangay galing sa pondo ng Barangay Disaster. Nabigyan din ng Patrol Service galing sa Munisipyo sa pamumuno ni Mayor Andres Dangeros.

Sa Taong 2022 sa ilalim pa rin ng kanyang panunungkulan, nagkamit ng karangalan at ginawaran na “SGLGB National Passer” ang barangay at binigyan ng 2 Milyong pondo ang barangay bilang gantimpala sa pagiging “Seal of Good Local Governance for Barangay” na galing sa Provicial Capitol sa pamumuno ng mahal na Gov. Eduardo Gadiano. Ang premyong ito ay ipinambili ng Multi-purpose Vehicle ng barangay. Pinagkalooban din ng isang milyong piso galing kay Mayor Walter “Bong” Marquez ang barangay dahil sa pagkakapanalo sa SGLGB. Ginawaran din ang barangay bilang 3rd Placer Best Model Barangay ng MENRO office sa pamumuno ni G. Robert Duquil- MENRO Head sa ilalim ng Solid Waste Management Program.